Vinteméa (Ventimiglia (IM)

Vinteméa (IM)
Ricordi di scuola.
M' regorde ! sire apena ü stüdentèl
che 'ndae co la cartèla dè cartù,
in chèla scöla, 'nsima a chèl castèl.
Sö chèla ròcca, sura chèi bastiù,
gò pasàt per tàt tép, coi mé compàgn,
i piö bei de, dè la me "gioventù".
'Nsèma dè chèi, go trascoritt tàcc agn,
zogàndo 'n di "carügi" a scondarèl,
e corse al mar, per fà con chès-ce, ol bagn.
V'o mia desmentegàt, g'öl doma chèl
Coppello, Conte, Anfosso, Zinghinì,
ol Calabria, e pò chèl, che ghia ol macèl.
Quando vè pense, sènte ü puciaghi
che 'l mè scor in di vene, e 'l mé fà pis
sapèndo che ol tép bèl, ghia dè ferni.
"O Vinteméa" ! To lassàt lé i mé amis,
me so turnàt in Bèrghèm, mé sità,
però dè tànce,.... ergü l'è 'n paradis.
Trà töcc i tànce amis, po' ol mé papà
l'è gulàt in dèl ciél da la tò tèra,
per chèsto, anche ol mé cör,...metà, l'è là.

.*.
Dominoni P. 2000

(Click on Poesie)
Vuoi vedere i luoghi della poesia ? clicka qui: Ventimiglia (IM)

Copyright © Dominoni P. Giugno 2000