La sentensa di asegn.

Dè Treì söl mercàt, fresca e nèta,
ciara matina ariusa dè cristàl,
i e sa du mercanc, ü sö la carèta,
l' porta dè feramenta ön arsenàl
löster dè ranze, dè pighés, dè vanghe,
e 'l ga l'asen che tira sota i stanghe.

L'oter a l' ria con döna squinternada

          trabacola dè sagoma speciàl,
                   dè löcerne, e bocài, bróche parada,
                     che trèma e donda söl selciàt inguàl,
                  e sunà dè teraglia, e a trà 'l bazar,
                      gh'è sota ön'asna, scambe dèl somar.

Desliga l'asna, destènt ol coertù,
chèl di ciape; parègia zo scödèle
amoline, bicer, toncc e pestù,
cadì, bróche, stiù, chichere e bièle;
destaca l'asen, l'otro, e in semetréa,
'l mèt in espusisiù la mercansea.

Pó, intat che i du mercanc, i va per cüra,

dè gargarismi a infüs dè vinasöi,
ü suspirù de l'àsen fó 'd misüra,
       a 'l fà indà l'asna, in bröda dè fasöi.
              Chi él chèl àsen, c'à décc che la natüra,
                "Non facit saltus", gnorànt d'la malura !

Che salt i è indacc a fa ste maturicc,
própe sö la teraglia ! In di laamà,
scödeline, bicer, in fila regondicc,
dét a pestà sènsa rispett ümà.
Sota chi fèr, che tàia come sape,
pödi pensa si è 'ndacc po' töcc in ciape.

              Gna ü pass l'è 'ndacc in fal, e tira e dai,
               no i perduna a negot, do i pèsta e pógia,
     derv söpére e stüi, sventra bocai,
             servise intrech dè chichere chi sbógia,
        róba dè véder, (spècc, bicér) a mèi,
    sota chèla tridada i va 'n sfragèi.

Al paria tempèstat, öna fritada
dè co dè cói, dè manech pestacc zo,
in sa e glià ön'amolina scompagnada,
öna cogoma amó drisaa söl co,
e i asegn, coi müs lonch, face d'arlea,
i bei fröcc, i smiciaa, d'la só asnerea.

            Mario ché 'l piàns sö la sità rüinada,
a ülì ardà, l'è negot in paragù,
            col crösse, ol disperas, la caregnada,
             ol lamentas chè 'l fà chèl poer padrù:
       töte i só ciàpe indace, ol falimènt,
      d' la Dita; ol capital bötàt al vènt.

Ön aocàt, che 'l sà 'l codès come 'l Patèr,
l' ghé indécia conqualmente sö sto afare,
l'articol méla sènt sinquantaquatèr,
al parla ciàr e precis: che 'l propretare
de la bestia, 'l respond d'ogne malagn,
che la fa. E che quindi in di só pagn

dè töte i só disgrassie 'l pöl rifàsen

                        e la lége ghé da 'l mezo sigür
                        col cità per i dagn 'l padrù de l'asen.
                        Co' sto articol dè fèr sa 'l mèt al mür,
                        mè chèl cede. E 'l 'la porta 'n convinsiù
                        sens'oter dè intimà la citasiù.

Aria chèl dé 'n pretüra dè tormènta:
i è comparìcc töcc du incargacc foghécc:
mèria pó sènt chèl d'la feramènta
che lengua: "Te la ciapere 'n dèl ghécc,
ol tó articol dèl codes, te l'avise,
a té pödrèt dovràl per chèl servi-se"

          A l'asen pös mia sèmper staga adoss:
           lü 'l fa dèl mal a nissü a lassàl in pass,
      te sét stacc té, tat asen e tat gross,
         dè 'n dà a mètega l'asna sota 'l nass.
       A te örerèsèt, co l'asen tram in bal,
       quando l'è la tó asna ol co del mal !

"Düsièt comensà té col cüstodila,
se lé la stàa al só post, negót no l'era,
l'asna l'è tó, mia mea, se t'ött capila,
ragiuna macarù dè la galera !"
A 'l ghia pó 'n banda ön aocadì pelàt,
ü ranteghì rugnus, ü spiritàt,

     che 'l ghé fà dè ripié, "l'è natüral,
                   giüstisima... ghè nè amó... ma l'è tat ciar...
      sór Canceler, l'à mèté zo a verbal:
*Inputet sibi che la sua somara,
        causa prima assorbente, culpa lata,
     quella di non averla sorvegliata.*

L'l tegnia üdiensa chè dé 'l Vicepretur,
ön aocat a lü, ma brao. 'N de discüssiu,
portada con tal anima e calur,
a 'l ciapa in aria ol bandol d'la questiù.
al taia cört, fa 'l verbal, sèra l'üdiensa.

                    *Di sua Maestà, nel nome Umberto Primo,
                di Dio per grazia,...eccetera... il Pretore,
nella lite, promossa con intimo,
        di questo uscire...omissis...a tenore,
           dalle emergenze, in atti, ha giudicato:
che l'entità del danno liquidato,
         per la rotta terraglia, in ammontare,

di lire quattrocento ottantanove,
per due terzi lo debba sopportare,
il padrone dell'asina, laddove,
solo d'un terzo, dell'asino il padrone
abbia a carico e debba rifusione,
motivando cosi la decisione.

            Le due bestiole il danno han cagionato,
           andante a spasso in due sul copertone,
      della terraglia esposta sul mercato:
ma se l'asina aveavi scalpitato,
      con quattro gambe, l'asino pestato,
        vi avea solo con due, dato per certo,

et quidem... in giusta proporzione
alla causa efficiente anche il sofferto
danno, eademque...dividi ratione.
Clausola ammessa senza la cauzione,
anche per l'immediata esecuzione.
Per gli stessi motivi anche le spese,

        restano compensate per ciascuno,
                dato in Treviglio addi, ventun del mese,
      maggio milleottocentonovantuno.
    Fatto e firmato come di dovere,
            il Vicepretor regio, e il Cancelliere.*
.-.

L'era giösta ! i à miga gnà apelàt,
ghéra negot de dì, la filaa drecc,
doma che chèl del'asna al prim mercàt,
l'à pensàt bé dè èndela, e la decc:
"Se ön'otra asnada, m'èss dè combinà,
co l'asen la mè costa la metà".

.***.
(Autore: Camillo Fumagalli Editor HTML Dominoni P.)