Osteria a la buna

Ü pòrteghèt coi taoi che le i tè 'nvida
ol zöch di bòce e 'l verd d'ü pergolàt
e 'n gir öna campagna ben tegnida
col sò pröföm de fiur e fé segàt......

Dè dét öna cüsina gran pulida
col caminù coi néce per sentàt
e 'n font öna dispensa ben fornida,
ol banch col sò peltràm e 'l ram löstrat.....

Ixé l'è l'osteréa che piö me pias,
indòe,... ü, bù bicer se 'l biv vontéra
e, s' fa 'nquach maiadèi in santa pas !
E miga i "Café-Bar" de göst cativ
coi radio e coi "Ges-Band" che 's par in fera
e che i tà tira ciòch a sènsa biv !.....

-***-
(Autore P. Astolfi, Ducato P.zza Pontida (BG))
Trascrizione: Dominoni P.