Dominoni Pietro -I mame

I mame

"Ghéra öna ölta...!", mà cöntàa mé madèr,
cünàndome söl seno prosperùss,
"'n dèl bosch, scondìcc al fósch, ghè amò di ladèr"
e mé, la ardàe, coi öcc dervìcc, ansius.
La ma strenzia tàt fórt, con't i sò bràss,
che mé sentìe de Lé, tött ol calur,
sie 'nfagotàtt, fassàtt, dét i'n dì stràss,
'm régorde.., sie 'n dì bràss dèl mé Signur.
'N doma na quàlch pastòcie, m'ét cöntatt,
vöresse amò scoltàle, ma 's pöl piö,
ü mal tirano, al t'ia za condanàtt.
Me g'ie quatràgn, e osèrve al dé dè 'n cö,
l'amur, per Lure... m'la desmentegàtt,
l'è sepelìtt....l'è certo.... ! 'l turna piö.
.***.

Dominoni Pietro '2001'

(Click per A capo )