Dominoni Pietro - giudicio

Ol Giödeze

GIÖDEZE UNIVERSALE
Te set stàcc te ! 'l ga diss ol Padre Dio
a chèl por sacramènt dè Cèco morto
te set te ! caro Cèco lo sò io.
Ol Cèchì 'l guarda Dio con guardo torto
al biecula la cràpa e 'l fa ü sospiro
al me scüse scior Dio...go pròpe torto.
Te robàt caro mio, pèss dè 'n vampiro
sö la merce, i palanche, e sö la pìsa,
la condanna per Tè 'quì sotto tiro.
Devi toglier le bràghe, la camìsa
solo 'n mutanda voi vederti o Cèco
e incamminarti, verso la banchisa.
Col giàss me go dè 'ndà, me solo meco ?
in mess ai oter c'ho vardàtt furtivo
co l'occhi tristi e con lo guardo bieco ?
Chèl che te est, in stato punitivo,
i è, i governanti dè la tò nasione
chi 'a robàtt piö dè te ! col loro intrigo.
Ol poer Cechì, con la rasegnasione
ma pò, contet, per vèsga amò i mödànde
al parte per sübì la punisione.
Sciòr Presidènt ! sa fìff dè chèste bande,
tött biott mè 'n verme sensa gnà ü stracetto;
"beàt te Cèchì ca ghet amò i mödande".
Chèi co'i mödande, i gà robàtt pochetto,
al gà spiega al Cèchi, 'l sciòr Presidente,
Töcc chèi bèi biocc....dè töt i à fàcc incètto.
.*.
(Autore Vernacolo: Dominoni Pietro)