Dominoni Pietro -Arca

L'arca dè Noè

Ve che Noè ! 'l ghe diss ol Padre Eterno
che go dè conferirti ü gran mistero
go oia dè,.... mandà, tócc, a l'inferno.
Töcc quanc i à fabricàt ü gran maniero
'ndo i fà di sporcaciade a piu non posso
per chèsto Te fà cito, söl mistero
Prepara öna barchèta dè legn grosso
pò, töta 'ncatramada 'n font e 'nsima
che la soporte 'nsoma 'l mare mosso.
Me dervero 'l cucù e pò la spina
di catarate, e zo 'n bel tèmporale
dè sofegà, la lur, vita barbina.
Stà atènt però Noè, dè fass mia male
dóvra gli atressi giusti a lavorare,
zo, 'ndo ta ghét, ol tò, cantér navale.
Prepara 'n po dè roba dè mangiare,
del fé, dè biàda, pàia, pò anche i vini
ca ghét per lungo tempo navigare.
Mèt det in dè la barca a Tè vicini
sèt copie dè nimali chèi bei netti
e 'ndoma due, dè quelli sporcacini.
Montonali ben bene, stretti stretti,
che tanti ce ne stian, mi raccomando,
chèi picoi, medi, grossi, e pò gli 'nsetti.
Se prope go dè stà al Tò gran comando,
al diss Noè, sò prope piö sè fare
e 'l sè cucuna 'n tèra lacrimando.
Se go tacc animali dè cargare,
'ndoe mèterò i gabiète per i üsei ?
non piangere Noè ! non ti cruciare.
Noè ! mèt dett, regordèt i camèi
chèi con na goba, ed anche chèi con due,
regordèt i galine, e pò i cünèi.
Chèi con i coregn mèteli col bue
mèt mia i cavrète, 'nsema coi leoni
senò, de set, te 'n troèt, a doma due.
Spartisci fò i nimali coi bastoni,
fa sö ü bel stabe, grande per benino,
'nsoma, fà sö vergott, scüss dè bastioni.
Poer Noè, poer vècc, poer tapino !
'L Gran Dio 'l comanda e lü, con poca òia
al parte per sfidare 'l sò destino.
Al salpa la sò Arca 'n salamòia,
per l'acqua, chè vègnia dèl cielo bigio
e 'l pènsaà. che, me paserà la nòia.
Ghera tött fosch, e tött parea si grigio
'mes a chèl rebelott, chel putiferio
chèl gran casì, chèl grande pigio pigio.
Però per ol Noè 'l sò desiderio,
l'era portare a tèrmen la misione
e contentà 'l Buon Dio söl sò misterio.
I era qualmanch, a la destinasione,
che 'l cròf al s'alsa 'n vul 'sperlü soletto,
mai piö 'lreturnerà a la sò magione.
La colombèla parte dèl sò tetto
la sgula 'ngiro, e là, turna, bagnada
con dét al bèch, d'ülie, ü bel rametto.

L'era fernida la lur spasezada,
misiù compìda, l'à pensàt sö ol Noè
Brao! 'l ghe fà Dio, la fama et guadagnada.

.*.

(Autore DOMINONI Pietro)