All'amico Gino

CIAO GINO

Regordèt Gino ? i noste stüpidade,
me con la fi-sa, té col clarinèt,
Nedài sóta la niff, bèle sunàde !
mazurche, valsèr, 'nfina pò al baghèt.

Quanda 'ndi spusalésse i ma ciamaia ?
e nu 'n curìa, cumè dù bilifù,
scambe dè na sunàda, nu 'n maiàia,
e pò 's turnàia a Treì ! ma a rebuldù.

Te caro Gino, te se 'ndàcc inante,
Gino ! te spètèm ! rierò lé po a mé,
la fi-sa, tè 'l regorde, l'è 'ngombrante,
gò dè lassala ché, mia tö-la dré.

Se 'ndün'orchèstra, 'n manca apena vü,
ta scapa pò la oia dè sunà,
ta é 'l magù, oia dè caregnà,
sènsa ün'amìs..... 'n sà propria pö nissü.

-***-

Dominoni P.